இறை விசுவாசமும் மனித விசுவாசமும்.

இறை விசுவாசமும் மனித விசுவாசமும்.

قوله تعالي :   ان اكرمكم عند الله اتقاكم.... (49:13)

قول النبي صلي الله عليه وسلم :  عليكم بسنتي وسنة الخلفاء الراشدين من بعدي، عضوا عليها بالنواجذ   ( رواه الترمذي )

இறைவனை பயந்து நடப்பது  மட்டுமே மனிதனை நேர்மையாக  வழி நடத்தும். மனிதர்களை பயப்படுவது என்பது தற்காலிகமானது  அவன்  அல்லது அதிகாரம் இருக்கும் வரை தான் அதற்குப் பிறகு நிலை மாறிப் போய்விடும்.
இதற்கு தற்கால நிகழ்வுகளும் கடந்த கால வரலாறுகளும் நமக்கு சான்றாக இருக்கிறது.

எனவே தான் இறைவன் திருமறையில் கடமைகளைச் சொல்வதற்கு முன்னால் இறைவனின் மீதும், மறுமை நாளின் மீதும் நம்பிக்கை கொண்டவர்களே! என்று துவங்கி நம் இறை நம்பிக்கை தான் இந்த கடமைகளை நமக்கு இலகுவாக்கி வைக்கும் என்பதை உணர்த்துகிறான்.

قال علي بن أبي طالب رضي الله عنه : (( التقوى هي الخوف من الجليل ، والعمل بالتنزيل ، والقناعة بالقليل ، والإستعداد ليوم الرحيل )). 
அலீ (ரலி) அவர்கள் கூறினார்கள் : "இறைவிசுவாசம் எனபது மகத்துவமிக்க இறைவனை பயப்படுவது, அவன் இறக்கி அருளிய வேதத்தின் படி நடப்பது, குறைவானவற்றைக் கொண்டே போதுமாக்கிக் கொள்வது, மறுமைப் பயணத்திற்காக தயாரிப்பு செய்வது"

நபிகள் நாயகம் ஸல் அவர்கள் மறைவுக்குப் பின் இந்த இறை விசுவாசம் தான் இந்த மார்க்கத்தை நிலை பெறச் செய்தது. இல்லையென்றால் அப்போது நிலவிய அசாதாரண சூழ்நிலை மார்க்கத்திற்கு மிகப் பெரிய பின்னடைவை ஏற்படுத்தியிருக்கும்.
இறை விசுவாசம் ஸஹாபாக்களிடம் எவ்வளவு நிறைவாக இருந்தது என்றால் நபிகள் நாயகம் ஸல் அவர்கள் மறைவுக்குப் பிறகும் அவர்கள் எடுத்து நடக்கச் சொன்ன எந்த காரியத்திலும் நபியின் வழிகாட்டலில் எந்த வித மாறுதலும் செய்யாமல் மிகச் சரியாக நடந்து இந்த சமூகத்தாரையும் நடக்கச் செய்து  சுமார் 14 நூற்றாண்டுகள் கடந்த பின்பும் ஒரு சமூகம் நபிவழியில் நடந்திட வழிவகுத்தார்கள். இது இஸ்லாத்தை  கடந்து எந்த சமூகத்திலும் சாத்தியமில்லை

இறைவிசுவாசம் ஏற்படுத்திய தாக்கங்கள்.

1.  நபிகள் நாயகம் ஸல் அவர்கள் அரஃபாத் பெருவெளியில் ஒரு இலட்சத்திற்கும் அதிகமான தோழர்களுக்கு மத்தியில் உரையாற்றி விட்டு  இறுதியில் இந்த விஷயத்தை இங்குள்ளவர்கள் இங்கு வராதவர்களுக்கு எத்தி வையுங்கள் என்று கட்டளையிட்டார்கள். அதை ஸஹாபாக்கள் உலகெங்கிலும் பரவிச் சென்று செயல்படுத்தினார்கள். அன்று அரபுலகத்தில் மட்டும் இருந்த இஸ்லாம் இன்று  உலகம் முழுவதும் பரவியிருக்கிறது.

2. நபிகள் நாயகம் ஸல் அவர்கள் கூறினார்கள் .
عليكم بسنتي وسنة الخلفاء الراشدين من بعدي، عضوا عليها بالنواجذ   ( رواه الترمذي )
நீங்கள் என்னுடைய வழிமுறைகளையும்,  எனக்குப் பின் வரக் கூடிய நேர்வழி பெற்ற கலீபாக்களின் வழிமுறைகளையும் பற்றிப் பிடித்து பின்பற்றுங்கள், அதை (கடவாய்ப் பற்களால் கடித்து) இறுகப் பற்றிக் கொள்ளுங்கள். ( நூல்: திர்மிதீ )

நபிகள் நாயகம் ஸல் அவர்கள் இறக்கும் தருவாயில் மூன்று வஸிய்யத்களை செய்தார்கள். 
عن ابن عباس أن رسول الله صلى الله عليه وسلم أوصى بثلاثة فقال: أخرجوا المشركين من جزيرة العرب، وأجيزوا الوفد بنحو مما كنت أجيزهم. صحيح. الصحيحة 1133 وأخرجه البخاري ومسلم . قال ابن عباس وسكت عن الثالثة أو قال فأنسيتها. و قال الحميدي عن سفيان قال سليمان: لا أدري أذكر سعيد الثالثة فنسيتها أو سكت عنها؟

وأما المسألة الثالثة التي سكت عنها الراوي فقال العلماء: هي تجهيز جيش أسامة رضي الله عنه، وقيل هي النهي عن اتخاذ قبره وثنا فقال: ولا تتخذوا قبري وثنا يعبد...

முதலாவது : அரபு தீபகற்பத்தில் இருந்து இணை வைப்பாளர்களை வெளியேற்றுவது.

இரண்டாவது : நான் அனுப்பச் செய்த தூதுக் குழுக்களை அதே இடங்களுக்கு அனுப்புவது.

மூன்றாவது : சிலர்கள் உஸாமது ப்னு ஜைத் ரலி அவர்களின் தலைமையிலான படையை அனுப்பச் செய்வது என்றும் வேறு சிலர்கள் என் கப்ரை வணங்கும் இடமாக ஆக்கிவிட வேண்டாம்  ( முந்தைய உம்மத்தினர்கள் தங்களது நபிமார்களின் அடக்கஸ்தலத்தை வணங்குமிடமாக ஆக்கியதைப் போல )என்றும் சொல்கிறார்கள். ( நூல்: புகாரி, முஸ்லிம்)

இந்த மூன்று உத்தரவுகளையும் பின் வந்த நான்கு கலீஃபாக்களும் சிரமேற் கொண்டு 
ஒருவர் பின் ஒருவராக நிறைவேற்றி முடித்தார்கள்.

இத்தனைக்கும் நபிகள் நாயகம் ஸல் அவர்கள் மரணமடைந்த சமயம் சிலர்கள் முர்தத்தாக ( மதம் மாற்றம் )ஆனார்கள், சிலர்கள் ஜகாத் தர மறுத்தார்கள், பெரும் ஸஹாபாக்களை உள்ளடக்கிய உஸாமா ரலி அவர்களின் தலைமையிலான படையை உடனடியாக அனுப்பும் விஷயத்தில் கருத்து வேற்றுமை வந்தது. 
ஆனால் ஹஜ்ரத் அபூபக்கர் ரலி அவர்கள் உறுதியாக இருந்து வஸிய்யத்தை நிறைவேற்றினார்கள். ஜகாத் தர மறுத்தவர்களுக்கு எதிராக உறுதியான நடவடிக்கை எடுத்தார்கள்.

ஹஜ்ரத் உமர் ரலி அவர்கள் காலத்தில் யூதர்கள் முழுக்க அரபு தீபகற்பத்தில் இருந்து அப்புறப்படுத்தப் பட்டார்கள்.

3. இன்று அதிகாரிகள் முன் இல்லை என்றால் வேலையில் ஏமாற்றுவதும், ஊழல் செய்வதும் நிறைந்திருக்கும் சூழலில், நபிகள் நாயகம் ஸல் அவர்களின் கட்டளைகளை அவர்கள் முன்னால் இல்லை என்றாலும் ஸஹாபாக்கள் பேணிநடந்தது வரலாறுகளில் பொன்னெழுத்துகளால் பொறிக்கப் பட்டிருக்கின்றன. நபிகள் நாயகம் ஸல் அவர்கள் மரணித்த பிறகு நபி ஸல் அவர்களுக்கு யுத்தத்தில் கிடைத்த (خمس- ஐந்தில் ஒரு பகுதி)  خيبر، فدك - ல் உள்ள நிலங்களில் பங்கு கேட்டு ஹஜ்ரத் அப்பாஸ் ரலி இன்னும் ஹஜ்ரத் அலீ ரலி அவர்கள் வந்த போது ஹஜ்ரத் அபூபக்கர் ரலி அவர்கள் நபிகள் நாயகம் ஸல் அவர்கள் கூறிய ஹதீஸை சுட்டிக்காட்டி
" لا نورث ما تركنا صدقة"
நபிமார்களின் சொத்துக்கள் யாருக்கும் வாரிசாக்கப் படாது நாம் விட்டுச் செல்வது தர்மப் பொருளாகும். (நூல் : புகாரி )

எனவே அவர்களின் வாரிசுப் பொருள் என்று எதுவும் உங்களுக்கு இல்லை என்று நபியின் குடும்பத்தினருக்கு பதில் சொல்லி திருப்பி அனுப்பினார்கள். பின்நாளில் ஹஜ்ரத் ஃபாத்திமா ரலி அவர்கள் வந்து பங்கு கேட்ட போதும் இதே பதிலைத் தான் ஹஜ்ரத் அபூபக்கர் ரலி அவர்கள் கூறினார்கள். நபியின் உத்தரவுகளை நபிகளாரின் வாழ்நாள் முடிந்த பிறகு அவர்களின் மீது கொண்ட பற்றுதலால் முறை தவறியும் பயன்படுத்த வில்லை  ஸஹாபாக்களின்  இறை விசுவாசத்திற்கு  அருமையான சான்றாக இந்த நிகழ்வு திகழ்கிறது.

ஆனால் இன்றைய நிலை ஒரு ஆட்சியாளன் மரணித்து விட்டால் அவனுடைய குடும்பமல்ல அவனுடைய உறவுகள் அல்ல, அவர்களுடன் நட்பு கொண்டவர்கள் கூட ஆட்சியில் பங்கு வைப்பதும், பொதுமக்களின் சொத்துக்களை சூறையாடுவது என்று அக்கிரம அரசியல் தலை தூக்குகிறது.

இறைவனின் அச்சம் ஒன்று தான் ஒரு மனிதனை யோக்கியமாக நடக்கச் செய்யும் எனவே தான் திருமறை குர்ஆனில் அல்லாஹ் கூறுகின்றான்.

"إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ"
(ஆகவே) உங்களில் எவர் மிகவும் பயபக்தியுடையவராக இருக்கின்றாரோ, அவர்தாம் அல்லாஹ்விடத்தில், நிச்சயமாக மிக்க கண்ணியமானவர். நிச்சயமாக அல்லாஹ் நன்கறிபவன், (யாவற்றையும் சூழ்ந்து) தெரிந்தவன். (அல்குர்ஆன்- 49:13)

இறைவிசுவாசம் ஏற்படுத்திய தாக்கங்கள் இன்றளவும் தொடருகிறது, இனிமேலும் உலக அழிவு நாள் வரை இது தொடரும் நபிகள் நாயகம் ஸல் அவர்கள் கூறினார்கள். 
عَنْ أَبِي أُمَامَةَ قَالَ: قَالَ رَسُولُ اللَّهِ صلى الله عليه وسلم: "لَا تَزَالُ طَائِفَةٌ مِنْ أُمَّتِي عَلَى الْحَقِّ ظَاهِرِينَ لَعَدُوِّهِمْ قَاهِرِينَ لَا يَضُرُّهُمْ مَنْ خَالَفَهُمْ إِلَّا مَا أَصَابَهُمْ مِنْ لَأْوَاءَ حَتَّى يَأْتِيَهُمْ أَمْرُ اللَّهِ وَهُمْ كَذَلِكَ"( رواه أحمد )
என் சமூகத்தில் ஒரு கூட்டம் உலக அழிவு நாள் வரை எதிரிகளை மிகைத்திடும் வகையில் உண்மையின் மீது  நிலைத்திருப்பார்கள் அவர்களின் எதிர்ப்பாளர்கள் சிரமங்களை தவிர வேறு எந்த இடையூறும் செய்திட முடியாது .
(நூல் : அஹ்மத்)

உண்மையான இறை விசுவாசம் கொண்டவர்களை யாரும் மிகைக்க முடியாது. பெரும் வல்லரசுகளான ரோம், பாரசீகர்கள் கூட அவர்களிடம் மண்ணைக் கவ்விய வரலாறு இதை மெய்ப்பிக்கிறது.
ஏன் உலகமயமாகிப் போன இக்காலத்தில் கூட அந்த விசுவாசம் தான் அநியாய அக்கிரம ஆட்சியாளர்களுக் கெதிராக நம்மையும் நம் மார்க்கத்தையும் பாதுகாத்துக் கொண்டிருக்கிறது.

மனித விசுவாசத்தின் தீங்குகள்.

மனித விசுவாசம் என்பது முகஸ்துதி ஆகும், இதனால் மனிதன் பல குற்றங்களுக்கு ஆளாகிறான், உலக ஆசை அவனை மக்களின் சொத்துக்களை அநியாயமாக ஆக்கிரமிக்க தூண்டுகிறது.
உலக அரசியல் களத்தில் நடக்கும் எல்லா அசிங்கங்களின் பிண்ணனியில் இந்த மனிதத் துதிபாடல்களும், விசுவாசம் என்ற பெயரில் நடக்கும் அநீதங்களும் அதற்கு சான்றாகும்.

ஆட்சியாளன் தனது விசிறிகளைத் தூண்டி விட்டு நடத்தும் அராஜகங்களே பெரும் பாலான சமூகக் குற்றங்களுக்கு காரணியாகும். நபிகள் நாயகம் ஸல் அவர்கள் அக்கிரமம் செய்யும் ஆட்சியாளர்கள் விஷயத்தில் இவ்வாறு துஆ செய்தார்கள். 

عن عائشة رضي الله عنها قالت سَمِعْتُ مِنْ رَسُولِ اللَّهِ - صلى الله عليه وسلم - يَقُولُ فِى بَيْتِى هَذَا « اللَّهُمَّ مَنْ وَلِىَ مِنْ أَمْرِ أُمَّتِى شَيْئًا فَشَقَّ عَلَيْهِمْ فَاشْقُقْ عَلَيْهِ وَمَنْ وَلِىَ مِنْ أَمْرِ أُمَّتِى شَيْئًا فَرَفَقَ بِهِمْ فَارْفُقْ بِهِ ». - رواه مسلم

"யா அல்லாஹ்! யார் என் உம்மத்தினர்களின் மீது  ஆட்சிப் பொறுப்பேற்று அவர்களுக்கு சிரமம் தருவாறோ அவருக்கு நீ சிரமமளிப்பாயாக!
யார் என் உம்மத்தினர்களை ஆட்சி செய்து மிருதுவாக நடந்து கொள்வாரோ அவரிடம் நீ மிருதுவாக நடந்து கொள்வாயாக."

மனித விசுவாசம் நபிகளாரின் சாபத்திற்கு 
ஆட்சியாளர்களை தள்ளி விடும்.  இன்றைய தமிழகத்தின் சூழ்நிலை ஆட்சியாளர்களின் விசிறிகள் பதவிக்காக அடித்துக் கொள்ளும் அவலம் சொல்லித் தெரிய வேண்டியதில்லை.

பதவிக்காக வாரிசுகளே ஆட்சியாளும் அரசரை தந்தை என்றும் பாராமல் கொலை செய்த வரலாறுகள் உண்டு.

நபிகள் நாயகம் ஸல் அவர்கள் ஹூதைபிய்யா உடன்படிக்கை நடந்த காலகட்டத்தில் அருகாமையில் இருந்த ஆட்சியாளர்களுக்கு இஸ்லாமிய அழைப்பு விடுத்து கடிதம் எழுதினார்கள். அவ்வகையில் பாரசீக மன்னர் கிஸ்ராவுக்கு கடிதம் எழுதி عبدالله بن حذافة السهمي என்ற ஸஹாபியிடம் கொடுத்து அனுப்பினார்கள். ஆனால் كسري மன்னன் அந்தக் கடிதத்தை கிழித்தான் தகவல் கேள்விப் பட்டதும் நபிகள் நாயகம் ஸல் அவர்கள் அவனுக்கு எதிராக துஆ செய்தார்கள்.  "யாஅல்லாஹ்! முழுமையாக  அவனையும்' ஆட்சியையும் கிழித்தெறிவாயாக"என்று. 
இதன் விளைவாக கிஸ்ராவுடைய மகன் ஷைரவியா தன் தந்தையைக் கொன்று அரியணை ஏறினான். சிறிது காலத்திலேயே கிஸ்ராவின் அரசாங்கம் அழிந்து போனது.....( நூல் : புகாரி )

மனித விசுவாசமும்,  உலக ஆசையும் பதவியில் இருந்தாலும் மனிதனை அழித்து விடும். இறைநம்பிக்கை மட்டுமே மனிதனை நேர்மையாக நடத்திடும்.
அக்கிரமம் செய்யும் எந்த ஆட்சியாளர்களும் அதே நிலையில் தொடர்ந்திட முடியாது அல்லாஹ் அவர்களுக்கு அந்த பதவியை விட்டுப் பிடிக்க  (استدراج- ஆக) வழங்கியுள்ளான்.
فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ

அவர்களுக்கு நினைவூட்டப்பட்ட நற்போதனைகளை அவர்கள் மறந்துவிட்ட போது, அவர்களுக்கு (முதலில்) எல்லாப் பொருட்களின் வாயில்களையும் நாம் திறந்து விட்டோம் - பின்னர், அவர்களுக்கு கொடுக்கப்பட்டதைக் கொண்டு அவர்கள் மகிழ்ச்சியடைந்து கொண்டிருந்த வேளை (நம் வேதனையைக் கொண்டு) அவர்களை திடீரெனப் பிடித்துக் கொண்டோம்; அப்போது அவர்கள் நம்பிக்கை இழந்தவர்களாக ஆகிவிட்டனர். (அல்குர்ஆன் : 16:44)

மேலும் உலகில் இறைவனின் நியதி ஒன்று உள்ளது. அநியாயம் தலை தூக்கினால் அடியார்களில் சிலர்களை வைத்து அநியாயக் காரர்களை அழிப்பது.
அவ்வாறில்லை என்றால் உலகில் அநீதங்கள் குழப்பங்கள் மேலோங்கி விடும்.

وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَٰكِنَّ اللَّهَ ذُو فَضْلٍ عَلَى الْعَالَمِينَ
(இவ்விதமாக)அல்லாஹ் மக்களில் (நன்மை செய்யும்) ஒரு கூட்டத்தினரைக் கொண்டு (தீமை செய்யும்) மற்றொரு கூட்டத்தினரைத் தடுக்காவிட்டால், (உலகம் சீர்கெட்டிருக்கும்.) ஆயினும், நிச்சயமாக அல்லாஹ் அகிலத்தார் மீது பெருங்கருணையுடையோனாக இருக்கிறான். (அல்குர்ஆன் -2:251)

இறைவனின் மீது விசுவாசம் கொண்டு நேர்வழியில் நீதமாக நடந்திட வல்ல ரப்புல் ஆலமீன் நமக்கும் இஸ்லாமிய சமூக மக்களுக்கும் நல்லுதவி புரிவானாக ஆமீன்.